Næringsliv
Siste: Stengjer biogassfabrikken på Stord
Biogassanlegget til Renevo på Stord har vore ulønnsamt sidan oppstarten i februar 2022. No stengjer anlegget i påvente av oppgraderingar. Same selskap har store planar i Etne.
Biogassanlegget til Renevo på Stord har vore ulønnsamt sidan oppstarten i februar 2022. No stengjer anlegget i påvente av oppgraderingar.
Statsstøtte
Anlegget vart bygd med 50 millionar kroner i støtte frå staten.
– Drifta har sidan oppstart berre hatt kostnader og generert tilnærma null i inntekter. Gitt dei produksjonsresultata som er oppnådde til no, er det ingen grunn til å forvente at det lèt seg gjere å få opp biogassproduksjonen med den teknologien som er på anlegget i dag, skriv direktør Eilef Stange i selskapet Renevo til fagnettstaden Biogassbransjen.
Planar i Etne
Selskapet snakkar med leverandøren av anlegget for å sjå korleis det kan oppgraderast. Truleg kjem stenginga til å bli mellombels, skriv fagnettstaden om anlegget på Sunnhordland.
Renevo har planar om ein nesten dobbelt så stor fabrikk i Etne.
— Me jobbare vidare med planne i Etne, seier Stange.
Krev betre støtteordningar
Dagen før nyheita vart kjend, sende NHO ei pressemelding der fleire aktørar krev betre støtteordningar for biogassanlegg.
– Støtteordningane for industriell biogass i Noreg fungerer ikkje. Dagens ordningar vektlegg i for stor grad krav til innovasjon, hevdar dei.
Dei krev meir føreseielege støtteordningar som kombinerer investeringsstøtte og lån i hele verdikjeda til nye anlegg». Ramma må vere på minst 300 millionar kroner for 2024, meiner aktørane.
