Før det siste kommunestyremøtet var det felles fotografering.
Foto: Svein-Erik Larsen
Kommuneval 2023
Siste dag med gjengen
Tysdag var siste gong kommunestyret i Vindafjord for valperioden 2019-2023 hadde møte. For tidlegare varaordførar Steinar Skartland (KrF) blir det slutten på ei epoke.
— Det kjennes litt greitt å vere ferdig etter å ha brukt så mykje tid på politisk arbeid. Allereie før denne perioden telte eg meg fram til at eg har lest over 100.000 sider med sakspapir, fortel Steinar Skartland (KrF).
Godt kollegium
Skartland gir seg etter 16 år som fast i kommunestyret. Frå 2011 til 2019 var han varaordførar. I perioden før og etter har han vore leiar i utval for oppvekst og omsorg (OPOM). Før Skartland var fast representant var han vararepresentant i gamle Ølen kommunestyre.
