Siri Lundal Hustveit (H) får fast plass
Linda Bøthun (H) har fått innvilga fritak frå politiske verv. Siri Lundal Hustveit 49) er valt som nytt fast møtande medlem for Høgre i både formannskapet og kommunestyret.
Under kommunestyremøtet den 17. september blei det behandla fleire saker, mellom anna valet av nytt medlem til formannskapet og kommunestyret, etter at Linda Bøthun (H) også fekk innvilga sin søknad om fritak frå politiske verv.
Arild Stenberg (H) fremja eit framlegg om at Siri Lundal Hustveit (H) skulle tre inn som nytt medlem i formannskapet etter fritaket til Linda Bøthun (H). Framlegget blei samrøysta vedtatt av kommunestyret.
Annonse
Siri Lundal Hustveit (48) er busett på Teigland i Åkrafjorden, og er dagleg leiar og medeigar ved kjøtmatprodusenten Johs Lundal & sønner. Ho er gift med den profilerte gründeren John Karsten Hustveit (49) som mellom anna har bygd opp Åkrafjordtunet.
Det nye vedtaket inneber at Siri Lundal Hustveit no tek over som fast møtande medlem i både formannskapet og kommunestyret. Følgjande vararepresentantar blei også peikt ut for kommunestyret, i rangert rekkefølgje: Egil Kambo, Sondre Gunleiksrud, Lars Olav Bergsvåg og Nina Margrethe Kaltwasser.
Ifølgje kommunelova skal eit nytt medlem veljast frå den same politiske gruppa som den som har fått fritak. Dersom kjønnsbalansen i organet fell under 40 prosent, skal det om mogleg veljast ein representant frå det underrepresenterte kjønnet.
