Ser opp til dei som gjer ein innsats

— Kva er din favoritthobby?

— Favoritthobby er strikking og sying.

— Kor reiser du helst på ferie?

— Kan være kor som helst, trilla ein tur med bubilen, eller ein tur med fly til varmare strøk, eller nye reisemål.

— Kva er det beste med bygda du bur i?

— Me har nærheita til fjell og fjord, ein kjenner naboane og veit kven dei fleste er. Ein har aktive lag og foreiningar.

— Kva saknar du i bygda di?

— Kjem ikkje på noko, om me ikkje har det i bygda, så har kanskje nabobygdene det, men om eg skal dra fram noko så kan eg sakne litt dugnadsånd, der kan me bli betre.

— Kva er ditt favorittmåltid?

— Eg er ganske altetande, men set veldig pris på om nokon lager mat til meg, så eg slepp å gjere det sjølv.

— Kva gler og kva irriterer deg mest?

— Eg gler meg over når det går bra med ungane og barnebarn, å være samen med familien.

Noko som kan irritera meg er folk som syt og klager over ting, men ikkje gjer noko med det sjølv for at det skal bli betre. Å dei som klager over at det skjer for lite i bygda, men ikkje stiller når det blir arrangert noko, og urettferd.

— Dersom du hadde politisk makt, kva ville du ha kjempa for?

— Utjamna forskjellar, hjelpe dei som stiller dårlegast i samfunnet, utbetre psykisk helsetenester, styrke skule og eldreomsorg.

— Kva gjer du når du skal unna deg noko ekstra?

— Det kan være så mangt, ein roleg kveld heime med god mat, eller eit nytt strikkeprosjekt, eller ein liten tur med bubilen.

— Kva er ditt beste barndomsminne?

— Der er det mange å ta av, men St. Hansfeiringa på Helgeland var veldig kjekk, hytteturar med familie og venner.

— Kven ser du mest opp til?

— Eg ser mest opp til dei som gjer ein innsats for enkeltpersonar og bygdemiljøet.