Senterpartiet varslar ikkje faren over

Etter demonstrasjonen og møtet med representantar frå bygdene, har han ingenting å melde om partiet sitt syn på kommunedirektøren sitt forslag om kroken på døra for skulane i Imsland og Bjoa.

Møtet var einetale frå bygdene, og politikarane lytta, slik avtalen var på førehand.

— Det var godt oppmøte, og mange gode og saklege innspel. Det er kjekt å sjå mange unge og engasjerte folk med ambisjonar, seier Haugen.

Vente to veker

Senterpartiet har to arbeidsmøte om skulesaka før det endelege gruppemøtet den 24. mai. Partiet er litt delt i spørsmålet om partiet bør tone flagg i og med dei aller fleste korta i skulesaka er lagt i bordet.

Gruppeleiar Haugen høyrer ikkje til dei, og heller ikkje ordførar Ole Johan Vierdal (Sp).

— Eg er ikkje samd i at vi slit ut folk med ei så langvarig sak. Vi har fått god tid og den vil vi bruke. Som folkevalde skal vi gjere ein skikkeleg jobb i ei sak som vedkjem alle i kommunen, også næringslivet. Det er nyttig å sjå seg i korta og kanskje få ein ny giv ut av det. Resultatet kan bli at ein brettar opp ermene og gjer ein betre jobb, seier Haugen.