Trude Enge frå Frp (t.v.) ville at fleire skulle ha noko å seie for saka, og føreslo å løfta saka opp til kommunestyret.
Foto: Grethe Hopland Ravn
Sender turvegsaka til kommunestyret
Om éin representant ønskjer å løfta ei sak opp frå hovudutvalet til kommunestyret, blir det slik. Dermed blir det opp til kommunestyret å avgjera om det blir turveg frå Rus til Olalia.
Saka om turveg mellom Rus og Olalia har engasjert mange og då hovudutvalet skulle behandla saka onsdag, ytra Frp-representant Trude Enge ønske om at saka skulle avgjerast av fleire enn berre representantane i hovudutvalet.
— Dette er også ei sak som har engasjert veldig mange, så eg kunne tenkt meg at sakshandsamar tok oss gjennom saka, sa ho.
Erik Kvalheim frå utviklingsavdelinga i Etne kommune tok del i møtet og losa hovudutvalet gjennom sakshandsaminga.
