Selskapsnytt frå Etne og Vindafjord

Nytt Ølen-selskap

Mythings AS heiter eit nytt Vindafjord-selskap med adresse i Ølen. Føremålet er å utvikla, marknadsføre, selje og halde ved like IT-tenester og plattformløysingar, samt andre aktivitetar som naturleg fell inn under dette. Aksjekapitalen er på 30.000 kroner. Steinar Matre er styreleiar i selskapet, mens Jarle Hetland Ljosnes er styremedlem.

Nytt Etne-selskap

Hundhammer Consult AS er eit nyregistrert føretak med adresse i Etne. Føremålet er byggtekniske konsulent-tenester og tenester som naturleg høyrer saman med dette. Aksjekapitalen er på 30.000 kroner, og Erling Hundhammer er dagleg leiar og styreleiar i selskapet.

Bjoa-entreprener

Enkeltpersonføretaket Jens Sigmund Grønnestad er oppretta på Bjoa. Føremålet er som følgjer: Landbruksentreprenør. Leige seg ut til andre bønder med eigen traktor og reiskap. Arbeid som slåttearbeid, beitepussing, raking, pressing av silo, møkkakøyring med meir.»

Tre oppløyste

Tre selskap i Vindafjord er nyleg registrert som oppløyste. Det gjeld Frisørane Team Aud AS, Hundhammer Invest AS og Panqariri AS.

Byte av revisor

Sandeid-selskapet Lurhaug Invest AS har skifta revisorselskap, frå Deloitte AS til Haugaland Revisjon AS.

To selskap sletta

To selskap i Etne er registrert sletta. Det er Etne Sparebank Eigedom AS og Glamour AS. I Vindafjord er Forehaug Eiendom AS sletta.

Kjelde: Brønnøysundregistra