T.v. Ewelina, Darius og Marlena, med same etternamn Michalkiewicz, og Monika, Natalia, og Malgorzata med etternamn Ostrowska. Alle er søsken unntatt Natalia, som er dotter til Malgorzata. I tillegg jobbar også Dawid her som er den 6. av søskena. Han er no i Polen på ferie.
Foto: Privat
Seks søsken på same arbeidsplass
Ein stor søskenflokk har funne seg godt til rette hos Granberg garveri i Ølensvåg.
— Ewelina og Malgorzata har jobba her i mange år, Monika har også jobba litt før. Men no i sommar ville alle ha sommarjobb samstundes. Det er hyggeleg for oss, sidan me treng mange sommarvikarar, fortel dagleg leiar Olav Granberg ved Granberg garveri.
Bedrifta har jobb til rundt 40 årsverk. I sommar har dei hatt heile 24 sommarvikarar.
— Det er positivt for oss at me slepp opplæring med dei som har jobba her tidligare. Det er også hyggeleg at tilsette som har jobba her tidligare, søkjer tilbake til oss når dei har anledning, seier Granberg.
