Ordførarane Ole Johan Vierdal i Vindafjord og Mette Heidi Bergsvåg Ekrheim i Etne vil få fart på E134 Bakka-Solheim-prosjektet og er villige til å ta i bruk bompengar for å få det til. Her frå ei markering for Røldalstunnelen i 2023.
ARKIVFOTO: SVEIN-ERIK LARSEN
E134 Bakka-Solheim
Sa ja til bompengar
Fleirtalet i Vindafjord formannskap og Etne kommunestyre vedtok tysdag at kommunane skal vere prinsipielt positive til ei bompengeløysing for E134 Bakka–Solheim. Håpet er at dette skal få prosjektet fram i Vegvesenet sin kø.
— Mange av dei som brukar vegen mykje, er villige til å betale bompengar. Eg trur det er rett å sende signalet om at me er villige til å gå for bompengar for å framskunde denne vegen, sa Modolf Haraldseid (H) under formannskapsmøtet i Vindafjord.
FrP-motstand
Etne og Vindafjord kommunar vedtok i 2015 trasé for framtidig ny E134 mellom Bakka i Etne og Solheim i Vindafjord som del av ein kommunedelplan. I vedtekne Nasjonal transportplan (NTP) for 2025–2036 ligg berre strekninga Bakka–Mo i Etne inne.
