Renevo kan få strengare krav

Måndag skal den nye kommuneplanen opp i eit ekstraordinært formannskap i Etne kommune, og bakgrunnen for at saka blei utsett i førre runde var eit tilleggsforslag frå Kenneth Karlsen og Etne Framstegsparti. Her ber dei kommunedirektøren gjera ytterlegare skjerpande tiltak for regulering av næringsområdet på Tongane.

— Målet må vera å unngå nyetablering av næring og industri som kan føra til sjenerande lukt for naboar og omgjevnadane i sentrum, uttalar Karlsen i tilleggsforslaget sitt.

Her er det Renevo sine utslepp som har ført til sjenerande lukt på Stord, som ligg til grunn for bekymringane.