Renevo gjer tiltak etter lukttrøbbel

Det er lokalavisa Sunnhordland på Stord som skriv om den plagsame lukta frå det nye biogassanlegget på Eldøyane. Renevo AS som eig anlegget, skal også bygga eit tilsvarande anlegg på Tongane industriområde, nær Etne sentrum.

Ei lukt av møk og rotne egg har tidvis prega Eldøyane. No gjer biogassfabrikken Renevo tiltak, skriv lokalavisa, som har fått denne kommentaren frå Jan Kåre Pedersen, dagleg leiar i Renevo:

— Lukta har komme litt til og frå. Me har vore litt i ein undersøkingsfase, for det har vore litt vanskeleg å finna ut kor det kom frå.

Pedersen opplyser at det blir sett i verk tiltak for å bøta på problemet. Han innrømmer at det har kome reaksjonar frå andre i området og fortel at det er sendt ut varsel til dei næraste naboane og bedrifter.