Rekordresultat nok ein gong frå Etne Sparebank

Styret i den lokaleigde sparebanken i Etne har nå godkjent rekneskapen for 2020 som viser solid vekst frå året før, eit år som også gav rekordgode tal på botnlinja.

— Endringa frå 2019 skuldast hovudsakleg ekstraordinære inntekter i samband med verdioppskriving av banken sine strategiske aksjar i produktselskapa, ekstraordinær avkastning frå overskotslikviditet, blant anna plassert i Heimdal Høyrente og god auke i provisjonsinntekter frå banken sine produktselskap, seier banksjef Rune Ramsvik i ei pressemelding.

Bak dei rekordtala ligg også god utgiftsstyring slik at banken unngjekk auke i driftskostnadane det siste året, medan noko auka avsetningar til tap bidrog negativt med kr 2,8 millionar kroner, opplyser banken.