Rekordhøg verdiskaping i norsk reiseliv i fjor

Norske reiselivsbedrifter skapte verdiar for 120,6 milliardar kroner i 2024. Vestlandet og Austlandet stod for 76 prosent av verdiskapinga.

Det skriv Innovasjon Noreg i ei pressemelding:

– Reiselivet styrkjer posisjonen sin som ein viktig del av norsk økonomi. At vi når eit nytt toppnivå for verdiskaping, samtidig som næringa har lagt dei krevjande pandemiåra bak seg, viser stor robustheit og omstillingsevne, seier Aase Marthe J. Horrigmo, direktør for reiseliv i Innovasjon Noreg.