Reagerer på ytringsutspel

Etter at Grannar publiserte ei sak om at kommunedirektør Åsmund Andersen Sekse og ordførar Mette Heidi Bergsvåg Ekrheim (Sp) meiner kommunestyrerepresentantar bør bruka tenestevegen for å ta opp kritikk mot administrasjonen, reagerer Kenneth Karlsen (Frp) kraftig.

— Etter oppslaget i Grannar om kommunedirektøren og ordføraren sine kommentarar til offentlege ytringar frå kommunestyrerepresentantar, kjenner eg behov for å klargjere noko heilt sentralt: Politikarar skal aldri møtast med irettesetting for å ytra seg kritisk, seier Karlsen.

Frp-leiaren understrekar at det ikkje er noko tenesteveg for dei folkevalde.