Råkøyrar tatt i 130 kilometer i timen

Den 30. juni i år stilte Utrykkingspolitiet seg opp på E134 ved Viskjer i Åkrafjorden. Der blei det ein sjeldan storfangst» då ein bil køyrd av ein mann i 30-åra vart målt til heile 130 kilometer i timen. Fartsgrensa på staden er 80 kilometer i timen.

Mannen tilstod utan atterhald då saka mot han gjekk som tilståingssak for Haugaland og Sunnhordland tingrett torsdag. Mannen godtok dommen han fekk etter det 20 minuttar lange rettsmøtet. Den lyder på 30 timar samfunnsstraff med ei gjennomføringstid på 90 dagar.