Kunderådgjevarane Siren Gundersen og Mats Østenstad har denne veka gitt spareråd til ungdommar ved Enge skule. Før skuleåret er omme skal også 10. klasse ved Skånevik skule få same tilbod, fortel dei.
FOTO: TORSTEIN TYSVÆR NYMOEN
Råda dei unge til å spare
Skal du om nokre år kjøpe bustad til 2 millionar kroner må du no ha 300.000 i eigenkapital. — Difor er det lurt å byrje å spare allereie no, var eit av råda 10. klussingane fekk då dei var på økonomikurs hos Etne sparebank.
Denne veka har elevar i 10. klasse ved Enge skule vore på økonomikurs hos den lokale sparebank. Eitt av dei viktigaste råda dei hadde til ungdommane var å spare. Til førarkort, feriar og ikkje minst til eigenkapital, slik at ein ikkje står på bar bakke den dagen ein har lyst tå kjøpe bustad.
— Ein bustad i vårt område kan fort koste 2 millionar kroner. For å få lån i banken har staten bestemt at alle som får lån må ha ein eigenkapital på 15 prosent. Det betyr at du må ha 300.000 kroner på konto for å få lov til å ta opp lån til den bustaden, fortalde kunderådgjevarane Siren Gundersen og Mats Østenstad til elevane.
BSU kan vere lurt
