Prisane har auka med 6,3 prosent det siste året

Prisveksten det siste året var 0,6 prosentpoeng høgare enn tolvmånadersendringa i mai, som allereie var svært høg.

– I juni var det først og fremst auka prisar på drivstoff og matvarer som gjorde at vi fekk ei ytterlegare heving i tolvmånadersveksten. Matvareprisane auka uvanleg mykje, seier seksjonssjef Espen Kristiansen i SSB.

Prisen på matvarer har auka med 5,6 prosent det siste året. Det er kjøtt og kornprodukt som har auka mest, med høvesvis 9,4 og 5,2 prosent.