— Positive ja-menneske gler meg

— Kva er din favoritthobby?
— Vera i aktivitet, anten på fotballbanen eller på tur med vener og familie.

— Kor reiser du helst på ferie?
— Så lenge det er i godt lag er eg ikkje så kresen, men det er eit pluss om det er varmt.

— Kva er det beste med bygda du bur i?
— Me har det me treng, kort veg til skulen og mykje kjekke folk.

— Kva saknar du i bygda di?
— Damelag. Me måtte dessverre trekkja damelaget i år, på grunn av litt for få spelarar. Eg satsar på at det er oppe og går igjen til eg kjem heim etter studia.

— Kva er ditt favorittmåltid?
— Pinnekjøt.

— Kva gler og kva irriterer deg mest?
— Positive ja-menneske gler meg, medan pessimistiske kverulantar er krevjande og slitsame.

— Dersom du hadde politisk makt, kva ville du kjempa for?
— Eg ville satsa på lokal verdiskaping og betre sjølvforsyning i Noreg.

— Kva gjer du når du skal unna deg noko ekstra?
— Då lagar eg noko digg til middag, og kjøper smågodt.

— Kva er ditt beste barndomsminne?
— Om sommaren når heile familien var ute og spelte fotball på plenen.

— Kven ser du mest opp til?
— Mamma og pappa.