Populær frukostdrøs ved fjorden

Det er onsdag morgon og klokka nærmar seg ni-talet. Eit jamt sig av bilar er i ferd med å fylla parkeringsplassen ved Åkrafjordtunet og ved inngangsdøra har det alt danna seg ei lita kø av frukostsvoltne damer og menn. Dei fleste har tatt turen til den populære frukoststunda mange gonger før og veit at det kan vera lurt å vera tidleg ute skal ein få favorittplassen, og denne onsdagen skal det visa seg å vera ekstra lurt å stå klar når dørene opna seg.

— Dette er noko av det meste me har hatt sidan Frukost ved fjorden starta, seier dagleg leiar ved Åkrafjordtunet John Karsten Hustveit og tel til 135 gjester.

— Eit snitt på rundt 40 personar er mest vanleg, seier han.