Politiet tok i bruk spikermatte for å stoppe mindreårig sjåfør
Ein ungdom køyrde natt til laurdag bil frå ei av bygdene i Grannar-distriktet vestover mot Haugesund. Der måtte vedkomande stoppast med spikermatte.
Bråstoppen skjedde rundt klokka 3 om natta.
Då hadde den mindreårige køyrt i så stor fart at politiet ikkje la seg på hjul, men heller stoppa vedkomande meir kontrollert ved å øydeleggja dekka på bilen.
Annonse
Politiet opplyser at det ikkje er grunn til å tru at det var rus med i biletet, og den unge sjåføren vart tatt hand om av barnevernet.
