Utrykningspolitiet heldt måndag ettermiddag kontroll på E134 i Etne, og tok fleire fartssyndarar i 60-sona. Heile 17 forenkla førelegg blei skrivne ut til førarar som hadde vore for tunge på gasspedalen, og høgaste fart blei målt til 77 kilometer i timen i 60-sona. Sør-Vest politidistrikt melder også via X at det blei utført promilletest på 54 førarar, og her bles alle som ein grønt og fekk køyra vidare.
