Plukkar bær dagen lang

Det er travle sommarveker for det unge paret som tok over småbruket etter Ida Karine Flesland Veland sin grand-onkel i 2015. Garden ligg ikkje langt frå Frønsdal i Ølensvåg, og då dei ikkje hadde lyst til å satsa på dyredrift, var det heller bær dei landa på.

— Me har pakta bort det meste av jorda, men sidan me bur på eit gardsbruk ville me bruka garden til noko nyttig. Derfor planta me både bringebærbuskar, rips og rabarbra. Me har også jordbær til eige bruk, seier Ida Karine.

Det var ektemannen Stefan som hadde mest lyst til å startar med bringebær, og etter kvart som åra har gått har dei planta eitt bringebærfelt for kvart barn som har sett dagens lys.