Pangstart for pensjonistforbund

Det nystarta Pensjonistforbundet Vindafjord arrangerte onsdag 23. oktober sitt første opne møte på Sjøperlo.

Og for ein pangstart! Styret hadde tatt høgd for 50 personar, men til slutt var det 61 personar inne på arrangementskafeen. Det var lagt opp til både sosialt samvær med musikk, gode smørbrød, frukt og kaffi, og eit tema.

Det såg ut som både tema og tidspunkt klokka 11 passa mange godt. Pensjonistforbundets leiar Anne Karin Hårajuvet ynskte den store flokken velkomen. Dagens tema var framtidsfullmakt, og det slo tydelegvis an.