Overskot på over tusen milliardar i statsrekneskapen

Det samla overskotet i statsbudsjettet og Statens pensjonsfond var på 1.042,5 milliardar kroner i fjor. Det kjem fram av statsrekneskapen for 2023, som vart lagt fram fredag. Rekneskapen viser eit oljekorrigert underskot på 290,5 milliardar kroner. Det er 4,2 milliardar meir enn det som vart lagt til grunn i det nysalderte budsjettet.

I fjor vart det overført 286,2 milliardar kroner frå pensjonsfondet for å dekkje det oljekorrigerte underskotet i det nysalderte budsjettet. Statsbudsjettet før lånetransaksjonar viser dermed eit underskot på 4,2 milliardar.

Samanlikna med rekneskapen for 2022 går oljepengebruken opp med 7,7 milliardar kroner.