Ordføraren seier ja til fire nye år

Senterpartiet har lange tradisjonar med å ha det politiske toppvervet i Etne kommune. Ved kommunevalet i 2019 fekk partiet eit sterkt resultat som gav sju av 17 plassar i kommunestyret. Over 38 prosent av veljarane røysta på Sp. Dermed var det klart for fire år i ordførarstolen for Mette Heidi Bergsvåg Ekrheim, etter at Siri Klokkerstuen (Ap) hadde vervet i perioden før.

— Det er ei ære å bli spurt igjen. Eg er veldig glad i kommunen min, og alle innbyggjarane som bur her. Det skjer så mykje bra her og eg kjenner eg har så mykje meir å gi, seier Ekrheim.

— Viktig avklaring