Ordensforstyrring utvikla seg til anmeldt vald

Vaktsjef Trond Børge Åsbu ved politistasjonen i Haugesund viser til politiloggen om ei hending som politiet fekk melding om klokka 02:51 natt til søndag.

Då var det eit slagsmål ved idrettsanlegget, men i tillegg informerer Håstø at det før slagsmålet var hendingar med ein gjeng ungdommar som blir beteikna som ordensforstyrringar. Blant anna hadde dei lagt ut gjenstandar i vegbana som gjorde at vegen til næringsområdet Tongane var sperra.

Politiet ser dei to hendingane i samanheng, og vaktsjefen fortèl at politiet var i kontakt med den fornærma personen, ein ung mann i slutten av tenåra, som måtte til legevakta i Ølen for oppfølging.