Oppmodar folk til å bidra

Etnemarknaden er eit arrangment som i stor grad er fundamentert på dugnad frå lokalsamfunnet. Marknaden er det tredje arrangmentet innanfor godt og vèl ein månad som krev stor lokal innsats. Etnecup er svært stort, men Camp Hjørnås krev òg ein del folk sidan det er for barn og at det blir arrangert til fjells.

Ulike oppgåver

Monica Grindheim og Ronny Gjermundsen seier at det er ledige postar over heile linja, og då mest av det vanlege slaget som parkeringsvakt og køvakt i aktivitetsparken.

Ronny Gjermundsen arrangerer sin første Etnemarknad etter å tatt over frå Vidar Lund som dagleg leiar tidlegare i år. Det er ikkje meir enn fjorten dagar sidan at han gjennomførte ein vellukka Vikedal Roots Music Festival i varmt festivalvêr.

— Eg har ikkje erfaring med korleis det har vore seinare år å få tak i vakter her i Etne, men eg såg det same mønsteret i Vikedal, seier han.

Seksten år

Monica Grindheim er ansvarleg for utstillarane og marknadskontoret. Ho stadfestar at det har blitt vanskelegare seinare år.

— Me ser utviklinga, men det er verre i år enn i fjor, seier ho.

Ho seier at unge folk gjerne må melda seg, og at det ikkje minst er i aktivitetsparken dei kan få oppgåver.

— Me tar inn vakter som frå dei er seksten år gamle, eller som fyller seksten i år, seier Grindheim.

Gjermundsen seier at det kom inn ein del nye folk i går, så dei håpar å vera nok folk når marknaden startar på fredag klokka 12.

Dei to arrangørane seier at nokre av vaktene er relativt stasjonære, så det bør vera oppgåver óg for eldre og folk som slit me å sjå for seg timar utan å få setja seg ned eller ta pausar.

Monica Grindheim minner om at utan dugnad klarar ikkje bygda å arrangera Etnemarkaden sjølv i den storleiken som gjeld no, så ho oppmodar folk til å stilla.