Oppjusterer leigeavtale med Skakke SA

Etne kommune har leigeavtale for idrettshallen på Skakke, og har betalt ei årsleige på 850.000 kroner. Leiga inkluderer alle utgifter knytt til lokalet, inkludert straum, kommunale avgifter og reinhald. Prisen er justert årleg ut frå endringane på konsumprisindeks, men avtalen tar ikkje omsyn til det reelle forbruket av areal som Etne kommune disponerer. Skakke SA ønskjer derfor å regulera avtalen for å dekka dei ekstra kostnadane som Etne kommune påfører Skakke. Dagens avtale inneber at kommunen betalar 400 kroner per kvadratmeter, men no skal summen opp til 600 kroner. Det vil gi Etne kommune ei årleg auke på rundt 400.000 kroner. Etne kommune justerer leigeavtalen med Skakke SA frå og med 1. januar 2022, og har dermed tilbakeverkande kraft.