Opna etter over seks timar

Klokka 06.56 måndag morgon fekk politiet melding om ei trafikkulykke på E134, Fikse, like nord for kommunegrensa til Etne og vegen blei følgeleg stengt i timesvis. Klokka 13.00 melder Vegtrafikksentralen at vegen nå er open med manuell dirigering.

To personbilar og ein lastebil var involvert i ulykka. Det var ein person i kvar bil, ein av dei sat fastklemt i den eine personbilen. Den eine personbilen og lastebilen kolliderte front mot front. Ein er kritisk skada og vil blei flydd til Stavanger sjukehus. Arbeidet med å berge lastebilen som var involvert i ulykka er framleis pågåande.