Open kafé heile sommaren
Turistforeininga har lagt kabalen som gjer at det denne sommaren ikkje blir stengt dør inn til kafeen på Olalia.
Alt frå komande sundag og kvar dag fram til 18. august blir det open kafé Olalia fjellstove. Her kan turgåarar og overnattingsgjester kjøpa kioskvarer og enkel kaffimat.
— Det er fantastisk kjekt å kunna gi dette tilbodet i heile skuleferien. Ei imponerande dugnadsånd gjer dette mogeleg, seier Lauren McPherson Simonsen, dagleg leiar i Haugesund Turistforening.
Olalia er eit godt utgangspunkt for dagsturar, bading og kanopadling. Blant rutene er det to fine rundturar frå hyttene; oppover til Steinfjellet (5,5 km), eller mot Furevasselva og om Hauganuten (6,5 km).
