Fra venstre: Gisle Heggebø, daglig leder i Omega 365 Areal og Trine Halsnes, daglig leder iOmega 365 Protek.
Foto: Omega 365 Design
Næringsliv
Omega 365 Protek og Omega 365 Areal blir eitt selskap
Dei to selskapa slår seg saman under namnet Omega 365 Protek. Målet er å tilby meir heilskaplege tenester innan bygg, anlegg og industri – frå planlegging og arkitektur til prosjektering og gjennomføring.
Omega 365 Protek og Omega 365 Areal blir no eitt samla selskap, og vil framover operere under namnet Omega 365 Protek. Samanslåinga gir eit styrkt fagmiljø med breiare kompetanse og kapasitet.
— Me ser eit stort potensial i å samla fagmiljøa våre. Me kjenner kvarandre godt og utfyller kvarandre. No får me moglegheit til å styrka oss, både fagleg og kapasitetsmessig, seier Trine Halsnes, dagleg leiar i Omega 365 Protek og ny leiar for det samanslåtte selskapet.
Ho får med seg ei samla leiargruppe med nøkkelpersonar frå begge organisasjonane.
