Olsokfest på Sæbøtunet

Etne Sogelag har inngått avtale med Sunnhordland Museum om ulike tiltak på Sæbøtunet. Det første felles arrangementet var Jonsokfest i sommar. Det blei tatt godt imot med 50 personar på tunet, som var grensa etter koronareglane på det tidspunktet.

Nå er talet utvida til 200, så det blir plass til mange fleire. Programmet onsdag 29. juli er etter same mal som på Jonsokfesten, men litt utvida. I tillegg til olsokbål, barneleikar og tevlingar, musikk med Stein Gunnar Sandvik og Kjell Pedersen, kaffi- og kiosksal og stor grill på tunet, blir det ekstra spenning for dei minste. Forteljar Jorunn Grindheim vil ta dei med på ei reise i Evenyrland.

Bjørn Arve Lunde ved Sunnhordland Museum blir òg med. Han vil fortelja litt om historia bak Sæbøtunet og visa rundt i hus og bygningar.