Havvindindustrien vil kunne skape nye arbeidsplasser, øke aktiviteten i leverandørindustrien, nye eksportmuligheter, industriutvikling og lokale ringvirkninger. Bildet er fra Utsira.
FOTO: Å ENERGI/ØKLAND FOTO
Nytt selskap satsar stort på Utsira Nord
Nordvegen Vind er ei ny satsing påutvikling av flytande havvind på Utsira Nord og skal bidra til å setje standarden for flytande havvind i Noreg og utviklinga av den norske havvindindustrien, ifølgje konsernsjefen Steffen Syvertsen.
Nye framsteg på teknologi innan flytande havvind betyr at land med djupare farvatn, der det tidlegare var umogleg å byggje offshore vindparkar med fast fundament, kan installere flytande plattformer for å utnytte havvindressursane.
– I tillegg til å bidra til aukafornybar kraftproduksjon, er havvind ei stor moglegheit for Noreg til å skape nye arbeidsplassar, auke aktiviteten i leverandørindustrien, nye eksportmoglegheiter, industriutvikling og lokale ringverknader, seier Steffen Syvertsen, konsernsjef i Å Energi i ei pressemelding.
Innan 2050 har det internasjonale byrået for fornybar energi (IRENA) anslått at flytande vindparkar kan dekkje rundt 5 til 15 prosent av den globale installerte kapasiteten for havvind.
– Prosjektet vil bidra til å setje standarden for flytande havvind i Noreg og utviklinga av den norske havvindindustrien, legg Syvertsen til.
Nordvegen Vind er eit partnarskap mellom Å Energi og Corio Generation, som kombinerer internasjonal havvinderfaring med regionalt nærvær og kompetanse på energimarknadene.
Selskapet har fått namnet etter skipsleia som gjennom meir enn 3.000 år har vore inngangsporten for handelstrafikken og lagt grunnlaget for utvikling langs kysten, og som og gav namnet til Noreg.
(NPK)
