Ny nedgang i arbeidsløysa

I Rogaland har arbeidsløysa falle med 15 prosent i september etter at 1.600 færre har blitt ledige. 9.759 personar i fylket, eller 3,8 prosent av dei sysselsette, står nå heilt utan arbeid. Vindafjord ligg godt under snittet i fylket med 2,7 prosent arbeidsløyse. Dei siste tala viser 130 heilt ledige i kommunen, mot 170 ved utgangen av august. Det er likevel 59 fleire enn for eitt år sidan.

Direktør i NAV Rogaland, Merethe P. Haftorsen er tilfreds med utviklinga.

— Gjennom heile september har me sett ei positiv utvikling i arbeidsløysa i fylket. Mange bransjar opplever stor uvisse, men nedgangen indikerer også at det er god aktivitet i fleire næringar, seier ho i ei pressemelding.