Ny kontrakt for Omega-selskap

— Denne avtalen gir oss eit godt grunnlag for vidare vekst og teknologisk utvikling, seier Trond Berge, dagleg leiar i Omega Subsea, i ei pressemelding.

Vidareutviklar samarbeid

I pressemeldinga går det fram at avtalen strekkjer seg over fem år, med moglegheit for forlenging. Omega Subsea skal stå for leveranse, mobilisering og heilårig drift av ROV-system. Systema skal nyttast til installasjon og vedlikehald av undervasskablar, med første installasjonsarbeid planlagt i fjerde kvartal 2026.

— Avtalen styrkjer tilstedeværet vårt i fornybarsegmentet og gir oss høve til å nytte erfaringa vår frå operasjonar i større offshoreprosjekt. Me er stolte over å bidra til initiativ som støttar det grøne skiftet, og ser fram til å vidareutvikla det gode samarbeidet med NKT i åra som kjem, seier Berge.

I møte med ein aukande prosjektportefølje har Omega Subsea òg styrkt organisasjonen på land. Pressemeldinga fortel at dei har utvida teama innan ingeniørfag, drift, prosjektleiing og støttefunksjonar. Det blir òg investert i moderne utstyr som møter dei stadig skiftande krava i undervassindustrien – med løysingar tilpassa kvart enkelt prosjekt, støtta av oppdaterte system og eit sterkt fokus på yting og pålitelegheit.

— Me held fram med å investera i korleis me kombinerer avansert teknologi, solid operasjonell erfaring og ein sterk tryggleikskultur i ein bransje som stadig er i utvikling, seier Berge.

Han uttalar at dette er ein viktig del av måten dei arbeider på, og korleis dei skaper verdi for kundane sine – særleg innan fornybar energi, der langsiktig driftstryggleik er avgjerande.

— Dette er ikkje enkeltoppdrag, men prosjekt som krev god planlegging, gjennomføring og oppfølging over tid, fortel Berge.

Styrkar posisjonen sin