Helse- og omsorgsminister Jan Christian Vestre (Ap).
Foto: Thomas Fure / NTB / NP
Ny gjennomgang av behandling for ME og long covid
Regjeringa vil betre oppfølginga av pasientar med utmattingslidingar.
Helse- og omsorgsminister Jan Christian Vestre møtte denne veka representantar frå fire pasientorganisasjonar for å diskutere behandlingstilbodet for utmattingslidingar. Møtet hadde som mål å drøfte framtidig arbeid knytt til lidingane, skriv regjeringa på nettstaden
sin.
Utmattingslidingar omfattar mellom anna ME, kronisk utmattingssyndrom og long covid. På møtet deltok Norsk Covidforening, Norges ME-forening, ME-foreldrene og Recovery Norge, saman med Helsedirektoratet og dei regionale helseføretaka.
– Pasientorganisasjonane er viktige samarbeidspartnarar for helseføretaka og for direktoratet når dei skal utvikle gode helsetenester, seier Vestre.
