Statnett har konkludert med at straum i luftlinje er er mykje rimelegare enn sjøkabel.
Illustrasjonsfoto: Statnett
NVE: Ja til bygging av kraftleidning i luftspenn via Etne og Vindafjord
Noregs vassdrags- og energidirektorat (NVE) tilrår at Olje- og energidepartementet gir Statnett løyve til å byggja ein ny 420 kV luftleidning mellom Blåfalli i Kvinnherad og Gismarvik i Tysvær. Etaten seier eit klart nei til sjøkabel.
Dette kjem fram av ei pressemelding frå NVE onsdag kveld. Tilrådinga er inkludert ny transformatorstasjon i Gismarvik og utviding av koplingsstasjon.
Bakgrunnen for tilrådinga er at det er naudsynt å auka straumforsyninga i området for å leggja til rette for auka forbruk, heiter det i meldinga frå NVE.
Tilrådinga inneber trasé via Etne og Vindafjord, i ein trasé som blant anna Etne kommune har gått imot. Spesielt i Etne har motstanden mot det som vil bli monstermaster og inngrep i naturen, vore stor. Ei aksjonsgruppa har i lengre tid jobba sterkt for at kraftleidninga heller bør leggjast i sjøen for å spara naturen for inngrep.
