Noregs Bank trur styringsrenta blir liggjande på 4,5 prosent ut året

– Går det som vi no trur, blir styringsrenta liggjande på 4,5 prosent ut året, før ho gradvis blir sett ned, seier sentralbanksjef Ida Wolden Bache i samband med at renteavgjerda vart offentleggjord torsdag formiddag.

Sidan førre rapport har prisveksten vore litt lågare enn anslått, medan arbeidsløysa har auka som venta. På den andre sida melder bedriftene i det regionale nettverket vårt om betre utsikter, og lønnsveksten ser ut til å bli høgare enn Noregs Bank tidlegare har sett for seg.