Gir ikkje opp. Nina Kaltwasser har opplevd fleire nedturar i arbeidet med å bygga eit besøkssenter under Langfoss.ARKIVFOTO
Nordmenn redda reiselivet
Koronapandemien har gitt store utfordringar for delar av det lokale reiselivet, men nordmenn på ferie i eige land har bidrege til å halde oppe aktiviteten.
Dagleg leiar Nina Kaltwasser i Åkrafjorden Oppleving måtte sjå at den andre sesongen på rad med det som skulle ha vore eit stort besøk av innbringande utanlandske cruisegjestar forsvann grunna koronapandemien. Også mange større grupper som hadde booka seg inn måtte kansellere grunna smittevern-restriksjonane som kom.
Men ho fortel at det har vore aktivitet med mindre grupper på 10-20 personar, som både har vore båtturar på fjorden og på vandringar, i tillegg til å nytte seg av tilbodet om servering av måltider med lokal mat.
— Nordmenn har vore flinke til å feriere i eige land, slår ho fast.
