Per Olaf Berge i Berge Sag og Trelast er éin av åtte kandidatar i den store vekstskaparkåringa i regi av Ernst & Young.Pressefoto
Nominert som årets vekstskapar
Per Olaf Berge (58) frå Berge Sag og Trelast AS kan bli verdsmeister i å bygga vekstselskap.
Vågsbuen er blant åtte kandidatar til regionkåringa i Rogaland. Bak kåringa står Ernst & Young (EY), eit av verdas største revisjon- og rådgivingsselskap. Her jaktar dei den bedriftsleiaren som har vore best til å utvikla selskapet.
I fjor var ein annan vindafjording, Ole Marthon Granberg frå Bjoa-bedrifta Granberg AS, i regionsfinalen og gjekk vidare til den nasjonale finalen. Tidlegare har Jakob Hatteland, Atle Berge (Ølen Betong) og Øystein Matre (Westcon) vore kandidatar i EY-konkurransen.
Nå er det Per Olaf Berge sin tur til å få merksemd under regionsfinalen I Stavanger, som går av stabelen 23. oktober.
