Nina Haslemo er klubbrådgjevar i Freide 4H, og gledar seg nå til å reisa på studietur til Gambia. Privat foto.
Nina frå Vats er klar for spennande reise
Nina Haslemo frå Vats er valt ut blant mange til å reisa på ein heilt spesiell studietur.
Den engasjerte klubbrådgjevaren i Freidig 4H i Vats, Nina Haslemo, søkte om å få reisa til Gambia på studietur, og få veker seinare fekk ho til svar at ho var blant dei heldige utvalde.
—Sjansen for å få bli med er liten, så eg føler meg veldig heldig, seier ho.
Annakvart år arrangerer 4H studieturar til Gambia, der dei har vennskapsklubbar. Kvart år er alle dei lokale klubbane med og samlar inn pengar ved å selja lodd, og ein del av summen går til Gambia. Nå har 4H i Noreg hjelpt Gambia økonomisk, slik at dei nå har opna sitt eige 4H-kontor. På studieturane får dei sjå at pengane dei har sendt, har hjelpt og kva dei har bidrege til.
