Dagleg leiar Anders Mæland viser planane for Sæbøvikjo, og går i detalj om vinkelen på terrassene for å få mest mogleg sol.
FOTO: NILS TOKHEIMFOTO: Nils Tokheim
Bygg og bu
Nærmar seg oppstart på Kambe
Byggjefirmaet Brødrene Mæland har for tida fokus på to prosjekt på heimebane i Etne. Det eine er nyleg kome ut på marknaden.
Det femten år gamle firmaet har òg tidlegare sett spor etter seg i Etne. Osnesheia er eit framtredande døme på det. Andre stader i distriktet står firmaet bak fleire bygg, ikkje minst einebustader. Hytter er òg noko firmaet har gjort ein heil del av, og dessutan ombygging og rehabilitering av eldre hus og hytter.
No er det to prosjekt med ferdigteikna hus som skal ut i marknaden i Etne med rundt 25 bueiningar. Det eine er på Kambe, og det andre er i Sæbøvikjo.
— Målgruppa på Kambe er eit ungt publikum. Den minste typen av husa kan nok passa for førstegongskjøparar, medan dei to større typane hus har eit noko breiare publikum, seier dagleg leiar Anders Mæland.
