Nærmar seg byggestart på kaien

Prosjektet, som omfattar mellom 15 og 16 leilegheiter i storleik frå 90 til 110 kvadratmeter, har vore planlagt lenge. Ifølgje prosjektleiinga starta samtalane med både naboar og Etne kommune alt før pandemien.

— Me har hatt ein god dialog både med naboar og kommunen, men me har valt å venta på reguleringsprosessen. Kommunen meinte det var fornuftig at prosjektet blei ein del av den samla sentrumsplanen. Det har gjort prosessen meir omfattande enn me først såg føre oss, seier dagleg leiar i Forbruken AS, Ole Martin Grindheim, og legg til at vikingmuseumprosjektet på sjøkanten gjorde også at reguleringsarbeidet blei ytterlegare utsett.