Nær byggestart ved Langfoss
— Får me til byggestart i haust, vil det i vår bestilling til entreprenør vere krav til ferdigstilling innan 1. juni 2019, fortel Nina Kaltwasser på Eljervik gard.
Kaltwasser og familien hennar er grunneigarar, og har i mange år drifta kiosken og toalettet som står på den populære rasteplass ved Langfoss i dag, like ved E134. Dei har jobba med planane om eit nybygg sidan 2012. Det som står att før ein kan sete spaden i jorda for nybygget, som skal huse butikk, serveringsareal, møterom og døgnopen sanitæranlegg, er å få på plass ein siste halv million kroner til finansieringa eit totalbeløp på 17,65 millionar kroner.
Ein har heller ikkje signert kontrakt med Statens vegvesen med tanke på drift av eit døgnopent sanitæranlegg enno, og ein har ikkje valt entreprenør.
