Musikkbad med Nilsy

Om kvelden onsdag 30. november tek vikedalsbuen Nils Erik Eide – for mange kjent som musikkartisten Nilsy – turen til Sjøperlo for å vere med på musikkbad. Med seg har han Lasse Jarmer på piano. Eide har lang erfaring som musikar, og er genuint opptatt av å laga god stemning der han er. Han har skrive låtar sidan 1990-talet, og den fyrste låta blei spela inn i september 2020. I byrjinga av desember kjem den tredje singelen frå Nils Erik – Nødslakt». Nils Erik har vore og er framleis med i fleire band, og har spela i lag med Jarmer i fleire år. Ein vil også få høve til å bli betre kjent med artisten. Litt julestemning er det òg lova.