Mowi-sjef Ivan Vindheim overtar det nordnorske oppdrettsselskapet Nova Sea ved å kjøpe seg opp til 95 prosent av aksjane, i tillegg til å gi eit tilbod om aksjekjøp til dei resterande aksjonærane.
Foto: Cornelius Poppe / NTB / NPK
Mowi kjøper seg opp i Nova Sea – pungar ut 7,4 milliardar kroner
– Dette er ein strategisk viktig transaksjon for Mowi som vil vere ein katalysator for berekraftig vekst i Nord-Noreg. Vi skal vekse vidare igjennom verdikjeda og kjem til å satse endå meir på Nord-Noreg framover og skape fleire arbeidsplassar og stadig meir aktivitet, seier Mowi-sjef Ivan Vindheim i ei pressemelding.
I tillegg vil Mowi komme med eit frivillig kontanttilbod til aksjonærane som eig dei siste 5 prosentane av Nova Sea.
Nova Sea er Nord-Noregs største oppdrettsselskap med oppdrettsanlegg langs heile Helgelandskysten, og Mowi har vore minoritetsaksjonær sidan 1995.
