Maria Moe Skålerud i Etne IL, Arne Gunnar Habbestad i Ølen IL, Håvard Matre i Etne IL, Torleif Heggebø i Vindsfjord turlag og prosjektleiar Leif Grindheim har jobba med planar om ein turveg mellom Olalia og Rus.
ARKIVFOTO: TORSTEIN TYSVÆR NYMOEN
Motbør for ny tursti
Administrasjonen i Vindafjord kommune ser ikkje at det kan dei kan gi grønt lys til søknaden om bygging av tursti mellom Olalia og Rus. Initiativtakarane set sin lit til at politikarane har eit anna syn.
Etne og Vindafjord kommunar står overfor ei utfordring med søknad om å byggje ein samanhengande grusa sti mellom Olalia og Rus. Dette knytt til at det må givast dispensasjon for at stien kan byggjast slik det er søkt om, men at lovverket står i vegen.
Naturvern og friluftsliv
Administrasjonane i begge kommunane har hatt dialog om saka i vekene før jul. I Vindafjord kommune er einingsleiar for areal og forvaltning, Thomas Vestbø sakshandsamar. Han skriv i ein e-post til initiativtakarane at kommunen ikkje ser moglegheita for eit positivt vedtak under dei noverande omstenda.
