— Me må hugse dei eldre – dei fortener ein god alderdom

— Kva er din favoritthobby?
— Eg trivst aller best på fjelltur, og så likar eg veldig godt å halda på i hagen. Det er der eg finn roen.

— Kor reiser du helst på ferie?
— Færøyene er ein favoritt, men eg elskar òg fjellturar rundt omkring i Noreg.

— Kva er det beste med bygda du bur i?
— Det må vera dei flotte fjella – og sjølvsagt solnedgangen her på Bjoa. Den blir eg aldri lei av.

— Kva saknar du i bygda di?
— Eg saknar eigentleg lite. Alt er berre ein liten biltur unna.

— Kva er ditt favorittmåltid?
— Eg seier ikkje nei til hjortekjøt eller pinnekjøt, spesielt no når det nærmar seg jul.

— Kva gler og kva irriterer deg mest?
— Barnelatter går rett i hjartet og gjer dagen lysare. Men sure, tverre folk kan irritera litt.

— Dersom du hadde politisk makt, kva ville du kjempa for?
— Meir folk i barnehage og skule, og eit godt tilbod til ungdom. Og så må me hugsa dei eldre – dei fortener ein god alderdom.

— Kva gjer du når du skal unna deg noko ekstra?
— Då blir det ein fjelltur med påfølgjande hotellovernatting. Det er luksus for meg.

— Kva er ditt beste barndomsminne?
— Mange av dei kjem frå Bjørkestrand i Åkrafjorden: å sitja på trappa og snakka med Annemor, leika i Lillebekken og bada i kald sjø.

— Kven ser du mest opp til?
— Folk som stiller opp på alt som skjer i bygdene, år etter år. Dei beundrar eg verkeleg.