— Me har utruleg fin natur og stort engasjement blant innbyggjarane

— Eg er veldig glad i friluftsliv i alle former. Spesielt turar, og fisking er viktig for meg.

— Kor reiser du helst på ferie?

— Eg reiser mykje til hytta vår på Vågslid, og så prøver eg alltid å få til ein fleirdagstur på fjellet kvart år. Elles har det blitt meir turar til utlandet dei siste åra.

— Kva er det beste med bygda du bur i?

— Me har utruleg fin natur her, og så har me stort engasjement blant innbyggjarane.

— Kva saknar du i bygda di?

— Eg kjem ikkje på noko eg saknar i Vikebygd, men det er veldig greitt å ha Haugesund så nær.

— Kva er ditt favorittmåltid?

— Me et mykje fisk. Det beste eg veit er kokt torsk med eggasmør og fersk grasløk.

— Kva gler deg og kva irriterer deg?

— Eg er alltid glad når folk får ting til. Spesielt ungar og barnebarn, men også folk generelt. Eg blir irritert av folk ikkje held det dei lovar, eller som eg oppfattar ikkje er heilt ærlege.

— Dersom du hadde politisk makt, kva ville du kjempa for?

— Eg sit jo i kommunestyret i Vindafjord, og der er eg opptatt av at me skal gjera gode vedtak i dag – som også er gode om ti år. Då må me av og til ta avgjerder som mange kan synast er dumme.

— Kva gjer du når du skal unne deg noko ekstra?

— Då unner eg meg ein roleg laurdagsmorgon, der eg har god tid, god frukost, ei fersk avis og ingen planar for dagen – utanom å gå ein tur.

— Kva er ditt beste barndomsminne?

— Eg er jo bygut, men kvar sommar var me åtte veker på hytta vår i Liavågen i Nedstrand. Far var lærar med lang sommarferie, og det var utruleg fint å vera så lenge på hytta kvar sommar. Det er gode minne.

— Kven ser du mest opp til?

— Eg ser opp til dei som verkeleg står på dag etter dag, og som verkeleg gjer ein innsats for andre. Det er mange av dei.