Kjøpmann Jarle Kvaløy og Matkroken Imsland kan sola seg i glansen over ny tittel: Årets Kundefavoritt
Arkivfoto: Irene Mæland Haraldsen
Matkroken Imsland er kåra til Årets Kundefavoritt
Kvart år måler Coop kor fornøgde kundane er i sine nærbutikkar. Gjennom spørjeundersøkingar blant kundar som handlar for eit visst beløp, får kjeda eit godt innblikk i korleis butikkane leverer på service, vareutval og heilskapsoppleving. Og i 2024 var det Matkroken Imsland som scora høgast av alle samanliknbare butikkar i heile landet.
Med ei kundetilfredsheit på heile 97,5 av 100 poeng, tok den vesle butikken i Imsland ein overtydande siger.
— For ein fantastisk følelse! Det er ei stor anerkjenning av den innsatsen mine kollegaer legg ned, og eg er sånn sett ikkje overraska, for det er ei svært dyktig og dedikert gjeng eg jobbar saman med, seier franchisetakar Jarle Kvaløy.
